Франциа Мраҭашәаратәы Европа атәыла сси рқәа ируакуп. Уи асахьаҭыхратә ҟазареи, архитектуреи, алитературеи, амузыкеи ирцентрны иҟалеит.

Ара иҟоуп адунеи зегьы аҟны иеицырдыруа Канны, Версаль, Марсель, Ницца, аромантикцәеи бзиа иеибабои рықалақь – Париж. Франциа символ хадақәаны иамоуп Парижтәи Анцәаиан Луахәамеи Еифрель ибааи. Аха зегьы реиҳа уздызхало акы акәны иҟоуп ари атәыла гәадурас иамоу афранцыз бызшәа.

Ара афранцыз бызшәа ҳаҭыр ақәуп англыз бызшәеи егьырҭ абызшәақәеи раасҭа. Атәылауаа ҳаҭыр рықәырҵоит иара убас рҵасқәа, ирыхьчоит, ирыхӡыӡаауеит рҭоурыхтә-культуратә ҭынха, ҳаҭыр ду ақәырҵоит акыр шәышықәсақәа зҽызыԥсахуаз, зҽеиӷьызтәыз, илыԥшааху бызшәаны зҽыҟазҵаз рхатәы бызшәа. Париж адунеи аҿы зегьы реиҳа иԥшӡоу ақалақьқәа ируакуп ҳәа ирыԥхьаӡоит. Ари ақалақь иадҳәалоуп алегендақәа рацәаны, иџьоушьаша аҭоурыхи аҵасқәеи. Ара атуристцәа (аныҟәаҩцәа) ирҭаар рылшоит ацәыргақәҵақәа, амузеиқәа, асахьаҭыхратә галереиақәа, аресторанқәа, иахьанӡа иааиз акультуреи архитектуратә баҟақәеи рцентрқәа. Парижҟа дцоит европатәи акультура здырырц зҭаху дарбанзаалак аныҟәаҩ.

Франциаҟа иаауеит иеиуеиԥшым атәылақәа рҟынтәи астудентцәа европатәи астандартқәа ирықәшәо ҳаҭыр зқәу, зхаҭабзиара ҳараку аҵара аиуразы. Ара арҵара система ауднеи аҿы зегьы реиҳа алҵшәа узҭо асистемақәа ируакуп. Убри иабзоураны ара ирацәоуп аҳәынҭқарратә иеиҳау аҵареиурҭақәа. Франциа аҵара хәыдаԥсадоуп иара атәылауаа рзы еиԥш, аҳәаанырцәуаа рызгьы.

Зегьы реиҳа ижәытәу, ҳаҭыр зқәу Франциа иеиҳау аҵареиурҭа ҳәа иԥхьаӡоуп Сорбонна (Сорбоннатәи ауниверситет). Уи аҩбатәи Гарвад ҳәа иашьҭоуп. Ари ауниверситет шоит автономтә хәҭақәа рыла. Ара астудент иара игәы иаҭаху аҵаратә программа алихуеит. Ара ирҵоит агуманитартә маҭәарқәа, жәларбжьаратәи аизыҟазаашьақәа, арҵара иеиуеиԥшым ахырхарҭақәа рыла асоциал – економикатә программақәа. Ара афранцыз ҵара асистемаҿы иалкаатәуп аматематикатә маҭәарқәа. Иаҳа ирҭаху иреиуоуп Собронна иҟоу ҳаамҭазтәи анџьныртә занааҭқәеи аекономикатә факультетқәеи. Есышықәса хыԥхьаӡара рацәала астудентцәа ҭалоит Пиери Мариеи Киури рыхьӡ зху Ауниверситет. Абизнес – школ НЕС Paris иҭало даара ирацәаҩуп. Ари ошкол аҿы афинансқәа русхк аҿы иалухыр улшоит иуҭаху арҵара ахырхарҭақәа.

Франциа иҟоу иеиҳау аҵараиурҭақәа ушар ҟалоит ҩ-хкыкны. Ара иҟоуп ауасхыртә ҵара ахьуоуа иеиҳау аҵараиурҭақәа, иара убас иалкааны занааҭк ахьуоуа Иеиҳау ашколқәа. Иеиҳау ашколқәа ируакуп иаҳҳәап Лилль ақалақь аҿы иҟоу ажурналистиказы Иеиҳау ашкол. Иаҳа иалукаауа ашколқәа иреиуоуп иара убас абизнес школ RSC Rennes School of Business. Акурортологиеи аҟазарадырреи рҵоит аҟазарақәеи адизаини Рышкол аҿы Psrsons Paris. Арҭ рҩызцәа аҵареиурҭақәа атәылаҿы ирацәоуп.

Франциатәи иеҳау аҵараиурҭақәа рҭаларазы иумазароуп абжьаратә ҵара амазаара зырҵабыргуа аттестат, иара убас афранцыз бызшәа адырра аҩаӡара зырҵабыргуа асертификатқәа DALF, DELF.

Иеиҳау аҵараиурҭақәа рахыԥхьаӡалараан хшыҩзышьҭра ду арҭоит аттестат аҿы иқәыргылоу ахәшьарақәа, избанзар занааҭқәак рахь аҭалараан аԥышәарақәа рҭиӡом. Иеиҳау ашкол уҭаларц азы ҩышықәса аҵара уҵароуп франциатәи ауниверситетқәа рҿы ма алицеиқәа рҿы. Иеиҳау ашкол аҭалараан акыр шықәсқәа раахыс аконкурс даара идууп. Ара ироуа аҵара ҳаҭыр ақәуп, алҵшәа бзиақәагьы унаҭоит аусураҿы.

Франциа ишьақәыргылоу абжьаратә ҵара аҳәынҭқарратә программа аурыс клакссикатә ҵара система иеиԥшым. Ара абжьаратә ҵара аиура х-еитапкны ишоит. Алагарҭатә школ аҿы хәышықәса аҵара рҵоит, ԥшьышықәса аҵара рҵоит аколлеџь аҿы, хышықәса аҵара рҵоит алицеи аҿы. Иҷыдароу уи ауп, аҵара аԥхьатәи ҩышықәса хымԥадатәиуп.

Алицеи ҵыхәтәантәи етапуп абжьаратә ҵара аиураҿы, иара убас ихадароуп иеиҳау аҵараиурҭахь аиасразы. Алицеи аҿы астудентцәа иалырхуеит аԥхьаҟатәи рзанааҭ. Алицеи аҿы урҭ аҵара шырҵо иахьыԥшуп урҭ иеиҳау аҵараиурҭақәа рҿы рҵара иацырҵо, иацрымҵо.

Аҳәынҭқарратә коллеџьқәеи алицеиқәеи реиԥш Франциа аус руеит ахатә ҵараиурҭақәагьы. Иаҳа иеицырдыруа иреиуоуп Терсак зыхьӡу ахатә школ-пансион. Уи ыҟоуп атәыла алада – мраҭашәаратәи ахәҭаҿы. Ара аҵара ддырҵоит арҵаҩцәа ԥхьагылаҩцәа, ироуеит зхаҭабзиара ҳараку аҵара.

Атәылаҿы ирацәоуп адуцәеи ахәыҷқәеи рзы аҵаратә программақәа. Афранцыз бызшәа иаҵоу амелодиеи аԥшӡареи иахьагьы ауаа хнахуеит. Уи уҵар улшоит атәылаҿы иеиҿкаау акурсқәа рҿы. Абызшәа арҵараан хшыҩзышьҭра арҭоит абызшәа зҵо изанааҭ, иара убас ара зыԥсы зшьо иԥсы шишьо абызшәа идырҵар рылшоит.

Акурсқәа рҿы абызшәа арҵараан иазгәаҭоуп иара убас агәабзиарачаԥаратә хырхарҭақәагьы. Абызшәа зҵо ирыдгылахоит абальнеотерапиа, агольфасра, атеннисасра уҳәа уб. иҵ.

Франциа афранцыз бызшәа аҵаразы иреиӷьӡоу ҭагылазаашьоуп, аҵаразы, насгьы уи угәы иҭымҵәо наунагӡа угәалашәараҿы иаанхоит. Ара аҟазаара иреиӷьӡоу ҭагылазаашьоуп иара убас Франциа акультуреи аҭоурыхи, аҵасқәеи рҵаразы.